港原味 (已搬遷) 新店位置

大角咀真系好多美食，呢排食亲嘅餐厅都系好食到可以encore～最近见到呢间喺利奥坊嘅港原味做紧新开9折优惠，主打新派香港美食，加上见到装潢好靓，全部都系旧日香港特色嘅壁画，有别于平时嘅茶餐厅，就去咗试下晚饭。入面全部𩠌菜（除咗农夫包之外）都跟饭及饮品，住家汤就需另加$8，价钱大部份都系$100以下，价钱贴地！（以下价钱未折）一坐下，店员就送上小食，是晚有素鹅呢！好开心！糖醋鱼($88)本身好钟意食甜甜酸酸嘅食物，所以见到糖醋鱼就二话不说点咗一客，份量毫不欺场，每件糖醋鱼都好薄粉，食落啖啖肉，酱汁甜酸度亦控制得恰到好处，开胃又送饭！仲有好多菠萝及三色椒，好味！椒盐鲜鱿($98)男友最钟意食鱿鱼，我自己本身麻麻地食大排档嘅鱿鱼，但呢个椒盐鲜鱿有惊喜，鱿鱼好弹牙又唔会韧，口感甚佳，椒盐亦唔会太重口味，我自己都食唔停口！芝士农夫包($99）农夫包份量十足，可自选自家制辣肉酱煎蛋、班腩、海鲜、鸡牛猪扒，酱汁都可以选择葡汁、芝士黑松露汁或自家制咖喱汁。咖喱汁牛肉农夫包，面包略嫌唔够脆，食落偏硬，而且唔系好索汁，有待改善。咖喱汁唔系好辣，反而香味较重，配上热溶芝士，其实都好难唔好食！食落惹味醒胃！牛