影片
更多
2017-09-27
784 浏览
好耐无食过素食🤔今次中午黎到尖沙咀觅食。未入去见到出面装潢设计欧陆式，好靓。入到去见到用我最钟意既紫色做主题，未食已经心心眼。2人叫左两个lunch set。🥗藜麦鲜蔬沙律配鲜柚子意大利黑醋汁沙律有黎麦、红菜头、菠萝、沙律菜，藜麦有咬口，菠萝酸甜多汁，整体好清新开胃，作为前菜份量刚刚好。🥄青豆薯仔薄荷竹燕忌廉浓汤中西汤各一，可以试哂唔同口味，西汤稀稠适中，青豆、薄荷味突出，虽然有忌廉，但加左薄荷就唔觉得腻。薯仔味唔太突出，但加厚左汤既质感。竹燕第一次食，系一种名贵既真菌类。味道似燕窝，口感清爽，食落嫩、爽口，几特别。🥄青木瓜甘笋花生雪耳汤配料好多，食材都煲至腍身。汤够哂浓味，非常足料既素汤，岩哂女士们润一润。🍝田园南瓜野菌忌廉烩扁意粉 $88意粉烟韧，南瓜味浓，加左芝士更香口。欣赏佢只系加左少量忌廉已做到极creamy效果，但食落又唔会腻，整体味道清甜，超fresh。🍜点心拼盘(翡翠白菜饺，芋锋春卷，素叉烧包，素翅香菇烧卖)配榨菜豆丝汤米粉 $108🍴叉烧包馅唔多，但咸甜适中，包尚算软熟。🍴春卷炸得香脆可口，食落唔会太油，包住芋头馅几好食，四款当中最爱。🍴烧卖将肥猪肉变做素翅，食到丝丝
2人叫左两个lunch set。
🥗藜麦鲜蔬沙律配鲜柚子意大利黑醋汁
沙律有黎麦、红菜头、菠萝、沙律菜，
藜麦有咬口，菠萝酸甜多汁，整体好清新开胃，作为前菜份量刚刚好。
🥄青豆薯仔薄荷竹燕忌廉浓汤
中西汤各一，可以试哂唔同口味，西汤稀稠适中，青豆、薄荷味突出，虽然有忌廉，但加左薄荷就唔觉得腻。薯仔味唔太突出，但加厚左汤既质感。竹燕第一次食，系一种名贵既真菌类。味道似燕窝，口感清爽，食落嫩、爽口，几特别。
🥄青木瓜甘笋花生雪耳汤
配料好多，食材都煲至腍身。汤够哂浓味，非常足料既素汤，岩哂女士们润一润。
🍝田园南瓜野菌忌廉烩扁意粉 $88
意粉烟韧，南瓜味浓，加左芝士更香口。欣赏佢只系加左少量忌廉已做到极creamy效果，但食落又唔会腻，整体味道清甜，超fresh。
🍜点心拼盘(翡翠白菜饺，芋锋春卷，素叉烧包，素翅香菇烧卖)配榨菜豆丝汤米粉 $108
🍴叉烧包馅唔多，但咸甜适中，包尚算软熟。
🍴春卷炸得香脆可口，食落唔会太油，包住芋头馅几好食，四款当中最爱。
🍴烧卖将肥猪肉变做素翅，食到丝丝口感，味道同普通酒楼食既差唔多，只系较干身一点。
🍴白菜饺翠绿色既表皮几吸引，外皮质感黏黏，但食落唔会痴牙。满满蔬菜馅，不过味道较普通一点。
榨菜味道刚好，唔似出面食开甘偏咸。灯笼椒切成丝状，连同芽菜、榨菜一齐食几，爽口又好味。个汤底清清地几好饮，米粉就无乜特别。
🌯香芒牛油果苜蓿芽手卷 $38
苜蓿芽系一种低热量而且营养丰富既天然碱性食物。食落完全唔会有草青味，仲好爽口。连埋香芒、牛油果、沙律酱一齐食，味道清新健康，绝对唔输平时食开有白饭既手卷，仲提升左层次感。
🍯韩风芦荟柚子蜜
同平时饮开既热柚子蜜味道一样，多左芦荟增添口感。
🍹蓝蝶花雪梨汁 +$10
蝶豆花系一种天然食用色素，用黎整食物/饮品颜色都好吸引。蝶豆花加上清甜既雪梨味道，稍为偏甜左d。
☕️咖啡朱古力千层班㦸 +$20
千层口感丰富，浓郁既咖啡味忌廉，幼滑、不腻，而且甜度适中，好味道。
🍨山梨白桃雪葩 +$20
啖啖山梨、白桃味，好清新既感觉。
有惊喜既素菜，满足既lunch。
张贴
