LM Cafe (已結業)

同朋友去apm行街shopping，行到肚饿但又觉得apm嘅餐厅有啲贵，所以就决定行远啲揾平靓正嘅餐厅医肚。行下行下就去到中海日升中心，见到都有唔少餐厅，而LM Café铺面几大，menu上嘅西式野食都几合我地心意，最紧要系唔贵呀嘛，所以就入去试。见到几乎每枱只系每人一个餐，但大食嘅我地又点会满足，所以嗌左两个主食之余，仲嗌左一个小食同甜品，最后饱到上心口都只系盛惠二百几，真系抵到烂！铁板西冷牛扒配香草肠(另配薯菜)，上枱嘅时候仲系咋咋声，听到都流哂口水。牛扒唔un，有肉汁，仲要系两块！相当大方xd 香草肠系脆皮衣，一啲都唔颓。见到食评话黑松露意粉系热门菜，紧系要叫番个会一会佢！果然黑松露味好足，一啲都唔腻，意粉软硬适中，我同朋友都好满意！因为呢个套餐仲包餐汤饮品同沙律，真系好抵！芝士烟肉焗薯皮芝士量够，啱哂啲芝士怪~薯皮其实系系薄薄嘅有皮薯仔片，食多几嚿都唔会饱。最后饱都要食番个甜品架嘛@@为免饱死，我地决定舍弃人哋大推嘅窝夫，而转战班戟。班戟餐可以自选两个雪糕口味，一款生果同埋两个酱。我哋嗌咗云呢拿同朱古力雪糕，蜜糖同士多啤梨酱再加士多啤梨。班戟好有蛋味，而且热辣辣，再配埋雪糕，呢