影片
更多
2010-04-12
185 浏览
来到比较新的置地文华东方酒店, amber的装潢比较有时代感, 唔似传统的高级法国餐厅, 星期六来到试一试佢地的lunch, 因为本人唔好而且唔识酒类, 所以选择左无酒配的套餐($460另加一), 当中包括一杯免费香槟, amuse bouche, starter, middle course, main course, tasting deserts, petit fours 同埋咖啡或茶, 如果配餐酒或果汁则要$648另加一首先送上面包, 有脆片, 橄榄包, 细百吉法包同小麦包, 配有盐同无盐牛油, 我自己偏爱百吉法包, 皮脆得来有面粉香, 太座则觉得脆片不错... amuse bouche有三种, 首先系鸭肝珍宝珠, 红桑莓汁搽满用鹅肝酱做成的球, 再加上红菜头片, 味道酸味味减低油腻感, 几得意, 第二样系叫croquette的炸球, 入面有好细粒的肉醉, 芥末酱做成, 但食落感觉好似千岛酱的味道, 热辣辣几好味, 第三样系mousse cup, 其实系椰菜花奶冻中间好似系希灵鱼子, 底层系奶冻, 面头铺左一片用墨鱼汁做的脆片, 食落去无咩特别, 虽然系好好用心思的开胃菜,
首先送上面包, 有脆片, 橄榄包, 细百吉法包同小麦包, 配有盐同无盐牛油, 我自己偏爱百吉法包, 皮脆得来有面粉香, 太座则觉得脆片不错...
amuse bouche有三种, 首先系鸭肝珍宝珠, 红桑莓汁搽满用鹅肝酱做成的球, 再加上红菜头片, 味道酸味味减低油腻感, 几得意, 第二样系叫croquette的炸球, 入面有好细粒的肉醉, 芥末酱做成, 但食落感觉好似千岛酱的味道, 热辣辣几好味, 第三样系mousse cup, 其实系椰菜花奶冻中间好似系希灵鱼子, 底层系奶冻, 面头铺左一片用墨鱼汁做的脆片, 食落去无咩特别, 虽然系好好用心思的开胃菜, 但我唔识欣赏
starter我要最大路的鸭肝酱, 餐厅自己做鸭肝酱做得香醇, 当然无筋啦!! 面头铺左用生果做的酸甜酱, 减少鸭肝酱食起来的油腻, 并配上榛子,姜饼脆片同烘过的法包, 食得颇满意的一道头盘
middle course我选择左带子配lamb's lettuce, 南瓜同榛子, 带子刚熟做得嫩滑, 而lamb's lettuce只系法国茶沙律用的菜叶, 食落无咩得别, 整体感觉麻麻
main course 我叫了餐厅名物iberian pork belly 配南瓜做成的gnocchi, 猪腩肉虽然肥腻, 但用慢煮方法煮成后又唔算好油, 食落去感觉似东坡肉, 但因为用上iberian pork , 肉味当然更浓, 肉比较有弹性, 只得一小件有点唔够喉, 配上陈醋煮成的黑松露汁, 中和一下油油的感觉, 南瓜gnocchi软燸, 的确系有水准的主菜
另尝试了太太的主菜prime beef short rib braised in pinot noir & spaghetti wrapped oxtail, 估唔到prime short rib炆得比较韧 , 唔系软熟的, 质感有d似牛腩, 但胜在肉味浓, 而用意粉包住的牛尾, 意粉皮做得烟韧, 唔会煮到腍晒, 完全无想像中的骚味, 而且味道浓浓的, 喜欢牛的食友千祈唔好错过
tasting deserts系有三样, 首先系西柚雪葩, 以冰雪加果汁为主, 西柚味浓, 而且带有苦涩味, 感觉好真实, 不过呢个我觉得做间场清味蕾会更加适合, 第二样系野生士多啤梨配蛋白奶冻同埋mascarpone雪糕, 野生士多啤梨细细粒, 味道偏酸但鲜味十足, 中和比较溜的芝士味, 第三样系朱古力三重奏(个名我自己改的), 其实朱古力雪糕, 慕司同朱古力味的酥皮, 系用左浓度较高的朱古力做成, 味道不俗
petit fours的 品种虽多, 有macaron, 绵花糖, 梨挞, 玉桂糕, 有盐味的焦糖拖肥, 但味道一般, 唔突出亦唔系好差, 而Cappuccino则奶味偏浓, 咖啡味偏淡, 两者却有点令人失望
虽然水准不错, 但食物有如现代或新潮版法国菜, 加入左少许份子美食的原理, 主菜比较出色, 能够配合同突出季节时令的食物, 但我自己却偏爱传统做法的法国菜, 埋单连加一每位盛惠$506, 下次再试下caprice...
张贴
