Amitie Kitchen

营业中

休息中

难得同男朋友放假一齐撑枱脚，拣咗厚福街呢间由酒店主厨处理嘅西餐厅一入门口留底又高又舒服，座位之间都宽阔，我哋拣咗窗边位可以望住厚福街嘅景色。嗌完嘢食之后先送上面包盘，有牛油同埋果jam，搽落牛角包度真系一流，男朋友就钟意食脆脆嘅面包条。男朋友最爱嘅青口，见到即刻嗌，非常新鲜，啲汁好味到用餐前嘅面包点晒嚟食。粒粒都饱满肉嫩嘅青口！龙虾意粉有半只，肉质爽弹同样新鲜，龙虾意粉酱汁清爽唔腻，我哋两个争崩头咁食。主菜仲叫咗个猪扒，本身都好惊猪扒会鞋，但系非常多汁，配菜嘅蔬菜煮得啱啱好有啲惊喜。煮得啱啱好粉嫩嘅猪扒，直头连骨都咬埋。