FireBird

营业中

休息中

闲日放工想饮两杯，日式居酒屋系其中一个非常好既选择，今次就系铜锣湾附近觅食，之前行过门外都有留意依间居酒屋，今次就入去一试，入到去二话不说就点左杯黑啤解解渴，再慢慢睇下有咩好食。一开始就黎左串烧类食物，烧鲭鱼烧到表面好香口，鱼肉油份无流失。之后就系长葱鸡肉串同自家制免治鸡肉棒，长葱甜味好吸引，鸡肉唔会烧到好干，点些少辣椒粉好夹，而自家制免治鸡肉棒好好食，有鸡软骨系入面，外酥内脆口感好丰富，点少少鲜蛋黄令到鸡肉棒加多份香滑。最后就系酱油烧饭团，淡淡既酱油味，有谷米系入面米香十足，饭焦香配酒一流。见到有和牛食当然要试下，拣左日本产霜降A4和牛烧，烧之前会比你睇下有几多克先再烧，对我而言A4和牛比A5和牛更加好食，牛味同油份既比例适中，牛味香浓入口即溶。再黎火山熔岩桂鱼卷，桂鱼卷外脆饭软，加芝士酱味道好浓，寿司都可以适合伴酒。最后就系野菜天妇罗盛合，比较特别既系有红椒天妇罗，甜甜地几好食。总结一下，居酒屋都可以食到新颖既菜式，非常适合三五知己饮番两杯。