影片
更多
2024-08-11
3808 浏览
新蒲岗名物 - “窝子”。几年前都食过呢间充满怀旧玩具气息嘅Cafe。𠮶阵好似系卖疏乎厘pancake。今日再返嚟，Menu都更新咗，咁我哋又可以试吓其他嘢了。我哋先叫咗沙律打底，结果食完已经饱咗大半😂。原因系呢个”牛油果沙律配虎虾”，实在相当大份。虎虾新鲜异常，牛油果同火龙果都清新无比，重点系意大利黑醋嘅沙律酱系放喺牛油果上面，好睇之余可以比食客自己选择捞几多沙律酱。跟住嚟一个”慢煮手撕猪腩窝夫三文治”，呢个比沙律更巨型。慢煮手撕猪腩嘅份量成座山咁，连同四件充满蛋香嘅窝夫，基本上要好肚饿先食得晒。手撕猪腩嘅味道系鲜嫩多汁，咸味配上窝夫嘅甜味相当夹。两杯嘢饮，包括抹茶鲜奶和黑糖焙茶鲜奶。呢两杯饮品嘅共通点系茶味非常浓，好明显落咗相当多嘅茶叶粉。当饮完之后其实仲见到好多茶叶粉黐喺杯边，就证明佢落几多粉了。我比较欣赏佢可以叫少甜，啱晒我呢啲怕糖人士。话就话怕糖，最后都系要叫一个甜品，外型非常漂亮嘅”焦糖香蕉配云呢拿雪糕法式千层酥”。靓到咁嘅甜品其实只系$78。表面上唔系好大份嘅甜品，由于充满吉士酱、忌廉、雪糕、朱古力粉等等，其实系相当邪恶同饱肚，当然系非常好食嘅。窝子嘅出品，一向都几好。我
几年前都食过呢间充满怀旧玩具气息嘅Cafe。𠮶阵好似系卖疏乎厘pancake。今日再返嚟，Menu都更新咗，咁我哋又可以试吓其他嘢了。
我哋先叫咗沙律打底，结果食完已经饱咗大半😂。
原因系呢个”牛油果沙律配虎虾”，实在相当大份。虎虾新鲜异常，牛油果同火龙果都清新无比，重点系意大利黑醋嘅沙律酱系放喺牛油果上面，好睇之余可以比食客自己选择捞几多沙律酱。
跟住嚟一个”慢煮手撕猪腩窝夫三文治”，呢个比沙律更巨型。慢煮手撕猪腩嘅份量成座山咁，连同四件充满蛋香嘅窝夫，基本上要好肚饿先食得晒。手撕猪腩嘅味道系鲜嫩多汁，咸味配上窝夫嘅甜味相当夹。
两杯嘢饮，包括抹茶鲜奶和黑糖焙茶鲜奶。呢两杯饮品嘅共通点系茶味非常浓，好明显落咗相当多嘅茶叶粉。当饮完之后其实仲见到好多茶叶粉黐喺杯边，就证明佢落几多粉了。我比较欣赏佢可以叫少甜，啱晒我呢啲怕糖人士。
话就话怕糖，最后都系要叫一个甜品，外型非常漂亮嘅”焦糖香蕉配云呢拿雪糕法式千层酥”。靓到咁嘅甜品其实只系$78。表面上唔系好大份嘅甜品，由于充满吉士酱、忌廉、雪糕、朱古力粉等等，其实系相当邪恶同饱肚，当然系非常好食嘅。
窝子嘅出品，一向都几好。我哋一路都闻到厨房飘过嚟嘅香味，就知道呢度嘅chef系有啲料到。
张贴
