Plato Cafe & Bistro (Mikiki)

本身住开新蒲岗附近，发现Mikiki新开左间餐厅，见其他区都有分店，今晚特登同旧老友黎食😋叫咗个精选二人餐$458今日嘅餐汤系甘笋汤，甘笋汤冇乜特别；前菜就叫咗烟三文鱼凯撒沙律，三文鱼有几大块，配埋生菜同面包粒好开胃😋波士顿龙虾汁意大利饭，有半只龙虾同龙虾钳，龙虾肉烟烟韧韧，龙虾汁满布成碟饭，有好香嘅龙虾味。主菜叫咗西班牙黑毛猪安，黑毛猪安都几厚身，食落腍腍地唔会太韧。个人觉得青色既酱汁超好味，食落好fresh😋甜品同嘢饮都有另外再加钱upgrade。🍹玫瑰朱古力都几甜，个人认为应该要叫少甜先得。🍰甜品就叫咗一个是日精选甜品另外一个upgrade左做升级竹炭麻糬千层酥盒子配雪糕。餐厅嘅内部环境亦装修得几靓，又坐得好舒服，下次有机会想试埋佢个至尊二人套餐。