Poking

今日做完gym又系想食清淡d，见到呢间新开poke小店。用QR code落单， 佢列得好清楚有d咩配料，而都好细心，少饭或者多汁少汁另上果d都可以拣。佢同平时d poke店最大嘅分别系佢选择比较多，可以拣三文鱼吞拿鱼，仲有鸡扒，鸡胸果d😊😊 最后都系比佢signature 嘅 “creamy baby”嘅卖相吸引到😂😂😂 平时poke店叫牛油果要另加几十蚊的😂 "Creamy Baby"，里面有三文鱼、半只牛油果、豆腐、青瓜、鸡蛋丝、蟹籽同wasabi yoghurt汁，我叫左半糙米饭半菜，好满足。首先，呢道菜好靓啊，摆盘系有心思。个人认为牛油果同三文鱼就系绝配☺️☺️ 颜色好鲜艳，睇落就好有食欲。菜式上嘅鸡蛋丝增添咗啲口感，令呢道菜变得更加丰富。wasabi yoghurt汁捞左落d三文鱼度特别fresh，特别中和下三文鱼嘅肥美。其他配料豆腐果d就系正常发挥。成碗食完清新得黎好满足，如果佢可以标埋系几多卡路里就好了😌😌