BIG MAMA

营业中

休息中

最近发现尖沙嘴韩国街开咗间新店，由韩国妈妈主理，提供多款煮家韩国菜，相比之下食物款式唔算好多，但胜在大件夹抵食。店员服务态度好有礼貌，亦会问客人意见，用心经营👍韩式紫苏薯仔丸子汤都系第一次食，汤底浓稠，似西式忌廉汤嘅质感，有少少颗粒，味道清淡，里面有唔少配料，薯仔大块且软身，丸子QQ哋带口感，食完都几饱肚，但绝对值得一试。海藻年糕汤汤底质感黏黏糊糊，海藻味道突出，如果唔钟意腥嘅话未必适合。年糕薄切，烟烟韧韧，煮得啱啱好唔会过硬或者软身，不过份量好多，适合多人分享。而大酱汤就正常发挥，配料十足，豆腐软嫩，配埋碗热辣辣嘅白饭就最适合不过了。值得一赞嘅系呢度嘅前菜，可以无限任添，而且质素有返咁上下，微微辣度，大人小朋友都啱食。