泰然 (長發廣場)

营业中

休息中

同朋友原本一心入去青衣食日本菜，去到先知餐厅改左新面貌，变成泰国菜馆，一场入到去一于都品味下先返屋企，我地两个人点左4款食物同饮品，食物唔洗十分钟就巳经到哂，劲快手。第一款食物：泰式串烧(半打)，我地选左猪和鸡各3串，望落两者分别唔大，我同朋友食落先估到，两者肉质都比较实正，唔洗点酱食都巳经好入味，点下橙色既酱食味道就甜甜地。第二款食物：虾酱炒通菜，放系枱上都不断闻到虾酱浓厚的味道，食落味道唔咸刚刚好，通菜口感鲜嫩滑溜。第三款食物：蟹肉炒粉丝(走芽菜)，粉丝用左芹菜、洋葱、彩椒、蛋和葱伴炒，炒得干爽，唔硬，虽然蟹肉份量唔多，但粉丝内散发啖啖的蟹香味，惹味得黎都几好味，食到底仲无咩油份，$68蚊碟都算抵食。第四款食物：生牛肉汤金边粉，生牛肉片份量都几大块，除左牛肉片仲有几嚿萝卜同一些雪菜，加埋炸蒜同洋葱，令汤底颜色变得啡浓。饮品方面食泰国菜当然叫返两款有泰式味道既饮品啦，我同朋友分别叫左个椰青同咸柠檬梳打饮，透心凉，爽哂，为今晚晚餐划上句号。