影片
更多
2014-11-18
3786 浏览
大自然素食由于食得多肉，偶尔都想食清淡点。经朋友介绍就黎试下，因为佢地话呢间啲素食做得好似肉食，所以即管闯入去品尝品尝。店舖外面贴了一张告示，原来星期一至日都均有下午茶，而于5点前结帐离座，仲有半价优惠添。咁变相又平左一大段。大自然素食既食品种类可算是多元化。唔同地方的美食(中式、日式、泰式等等，冷盘热盘都应有尽有。打破了传统-素菜就是沉闷、单调的定律。牛油果鳗鱼卷要小心留意个芥末，都几辣。个鳗鱼其实好老实讲，一啲都唔似鳗鱼，更加冇鳗鱼味。不过个寿司几清新，不失为一个几开胃嘅小食。粟米寿司第一客黎得好快，啲粟米粒粒大大粒，好甜好多汁。个紫菜亦好新鲜，脆脆、干身又唔会淋。有时出面啲粟米寿司落太多沙律酱，令到客人只食到沙律酱味。但呢间素食店可能有考虑到素食者追求健康，所以冇落咁多沙律酱。我见好好食所以叫多一客，但呢一客实在等左太耐(第二客个粟米寿司依然系好食，但实在等得太耐了)!!!!!!!!!!!!我到埋晒单都未上，希望下次可以控制下啲上菜时间;(。蕃茄猪扒汤面呢个面相当好食，事关个炸猪扒同真的无咩分别。猪扒唔会好油腻，咬落有淡淡豆味，点啲沙律酱食简直系一流呀。做得最好既系个蕃茄汤面。食
由于食得多肉，偶尔都想食清淡点。经朋友介绍就黎试下，因为佢地话呢间啲素食做得好似肉食，所以即管闯入去品尝品尝。
店舖外面贴了一张告示，原来星期一至日都均有下午茶，而于5点前结帐离座，仲有半价优惠添。咁变相又平左一大段。
大自然素食既食品种类可算是多元化。唔同地方的美食(中式、日式、泰式等等，冷盘热盘都应有尽有。打破了传统-素菜就是沉闷、单调的定律。
牛油果鳗鱼卷
要小心留意个芥末，都几辣。
个鳗鱼其实好老实讲，一啲都唔似鳗鱼，更加冇鳗鱼味。不过个寿司几清新，不失为一个几开胃嘅小食。
粟米寿司
第一客黎得好快，啲粟米粒粒大大粒，好甜好多汁。个紫菜亦好新鲜，脆脆、干身又唔会淋。有时出面啲粟米寿司落太多沙律酱，令到客人只食到沙律酱味。但呢间素食店可能有考虑到素食者追求健康，所以冇落咁多沙律酱。
我见好好食所以叫多一客，但呢一客实在等左太耐(第二客个粟米寿司依然系好食，但实在等得太耐了)!!!!!!!!!!!!我到埋晒单都未上，希望下次可以控制下啲上菜时间;(。
蕃茄猪扒汤面
呢个面相当好食，事关个炸猪扒同真的无咩分别。猪扒唔会好油腻，咬落有淡淡豆味，点啲沙律酱食简直系一流呀。
做得最好既系个蕃茄汤面。食得出好少味精，蕃茄味唔会酸到牙都痛埋，又唔会系死甜死酸果种蕃茄味。啲面条好细，但系唔会唔够弹牙。个汤入而有一粒一粒既蕃茄，她有咬口，好好味。
总括黎讲蕃茄猪扒汤面份量好足够，如果得一个人上去食就咁叫呢个面已经好够啦。
牛油果芝士多士
其实素食都几多会用得上牛油果，开头听闻过牛油果系好肥既，但经查证之后原来牛油果当中的都是好脂肪同胆固醇。
对于牛油果爱好者黎讲，佢地一定会好好好钟意呢道菜。面包烘得好脆，整块包都涂满左牛油果。芝士在面包上溶化晒，味道几特别。
带子豆腐
呢个带子会比牛油果鳗鱼卷个鳗鱼似啲。个豆腐超级滑，铺在上面的是中国豆豉酱；在傍伴碟的仲有两条菜心。上面只「带子」系几爽口，虽然我食唔出系由啲咩做成的，但胜在做得似实物。
如果下次我偶然想清清肠胃的时候，我会再黎食!
张贴
