鮨一 (厚福街)

营业中

休息中

今日揾到一间楼上铺，食高级日本料理。简简单单一个二人晚餐，首先来一碟「刺身拼盘」，刺身好够冰冻，三文鱼厚切，好新鲜，而且卖相非常精美。接着系「安格斯牛肉锅」，安格斯牛肉切得好薄、好靓，好香，充满牛肉嘅鲜味，牛肉肥瘦同脂肪比例做到啱啱好，唔会太油腻，入口感觉到好香滑，无筋，有入口即溶嘅感觉，好似食紧高级和牛一样。除此之外，当入面有好多唔同款式嘅蔬菜、冬菇、金菇等等，吸收晒日式汤底寿喜烧汁嘅味道，好鲜味，就连汤都可以饮埋。大大煲，好抵食，两个人啱啱好，非常推介。另外，我哋仲追加左一款特色小食「炸蟹仔」，蟹仔细细粒，炸得好香脆，好香口、唔油腻，就连蟹钳、蟹爪、蟹脚全部都食得落肚，口感好特别。餐牌食物款式好多，下次再嚟的话，想再试其他食物。