白鬍子炸魚薯條 (已結業)

以前系爱尔兰生活左一排，记得工作一出粮就会去快餐店度食炸鱼薯条。系果度好多地方都有炸鱼快餐店，返到黎香港呢就好少呢类专卖炸鱼既快餐店，要食既话就要去西餐厅，都起码要成100蚊一份。岩岩行过中环码头，就见到一间专卖唔同炸鱼既外卖店，趁有点肚饿，买份黎试下先~佢炸鱼款都有唔同，有招牌(68蚊)、鳕鱼(78蚊)、柠檬黑椒(78蚊)、一口炸鱼(55蚊)同香辣炸鱼(75蚊)，全部都跟薯条。如果再加野饮就加10蚊，每款套餐都包一款酱，可以自己拣(有他他汁、蛋黄酱等)。由于系新鲜炸，建议想试既朋友要预留足够时间，因为都等左成15分钟。点了个招牌炸鱼薯条，选了他他汁，加冻柠茶。一路吹海风一路食，真系另有一番滋味喔~炸鱼有两旧，切开第一旧时唔知系咪太热，D鱼肉好碎，肉跟炸浆皮是完全分离的；到之后冻番少少再食第二旧就无呢个问题，啖啖肉连炸皮真系好正! 薯条系粗切连皮的难得可以有外卖既有质素炸鱼食，满足