Poking

今日约好朋友下午茶， 我哋两个都钟意食鱼生饭， 佢就提议来呢一间 ，喺上环文娱中心附近， 苏杭街有一间小餐厅 ，供应新鲜美味嘅鱼生饭。 两个人每人叫一碗鱼生饭， 各取所需。 餐厅虽小， 选择却不少， 鱼生饭有好多种新鲜食材选择 。我就拣咗 creamy baby 。有三文鱼，牛油果， 豆腐 ，炒蛋丝 青瓜， 飞鱼子， 芥辣沙律酱， 花生粒， 芝麻， 再加寿司饭沙律， 堆满一大碗 ，净系卖相就已经攞满分。 颜色鲜艳代表食物新鲜 ，粉红色嘅三文鱼 ，嫩绿油润嘅牛油果， 雪白嘅豆腐， 鲜黄色嘅炒蛋丝 ，翠绿嘅青瓜 ，鲜橙色嘅飞鱼子， 简直就系七彩缤纷， 碗底系寿司饭沙律， 寿司饭煮得松软， 酸酸地， 好开胃。 朋友仔𠮶碗有少少食材唔同， 佢有黄色嘅芒果 紫红色嘅樱桃萝卜 我贪心又攞啲嚟食 ，一餐饭唔单止食咗各种颜色的食材， 仲有好丰富嘅味道 ，咸甜酸辣 ，好香嘅芝麻， 好爽嘅青瓜， 好肥美嘅三文鱼， 简直就系最健康美味 嘅食物。👍👍😋😋