鮨一 (厚福街)

营业中

休息中

今日同男朋友行完山，决定食日本菜慰劳自己。鮨一沙律无论系蔬菜番茄定鱼生都好新鲜，鱼生有好多种类：三文鱼、吞拿鱼、八爪鱼等等，作为开胃菜相当唔错。日本真蚝两只大大只，上面既配料辣辣地，但一齐食都唔会盖过生蚝既鲜甜肥美。白子刺身第一次食，系时令食品，口感软绵绵，带鱼生味道，好新奇。池鱼王切成薄薄一片，好考刀功，亦食到佢既鲜味。盐烧白鳝烧到鱼皮好脆，肉质肥美。免治鸡肉(自家制) 沾蛋黄一齐食，增添滑溜感。清酒煮蚬好有水准，蚬大大只得黎又好鲜甜，配埋个汤一齐饮，好正。入面仲有几旧白萝卜，所以个汤饮到萝卜味。烧子持香鱼好多卵子，钟意食卵子既人会好钟意。