影片
更多
2019-04-19
1118 浏览
呢排好想去饮杯清酒食下炉端烧，又听见九龙城新开三层楼高日本料理店，近近地即刻约朋友去试。一坐低咁岩见到happy hour menu觉得几抵，一杯酒再加五份串烧，可以拣3款肉2款菜，只限17:30-19:30，时间刚刚好仲有得食😂，正。刚点完菜就送上左一杯真澄清酒，仲用左红酒杯冻上。食物方面首先拣左日本黑豚肉五花腩串，烧得好有咸香肉味，肥膏都烧得好香脆。之后就有鸡肝，质感有啲似猪润，钟意食内脏既朋友可以一试。而明太子鸡翼烧得外皮香脆，咬入口感觉几丰富，因为入面系填满左明太子，同鸡翼既油香融入，一只真系唔多够喉。蔬菜再拣埋烧茄子同埋日本蕃薯，茄子食落去味道较淡，不过口感几特别，唔似川式港式烧得好稔，硬身少少。日本蕃薯就非常出色，用料感觉唔同，问左一问主厨原来系用爱知县既蕃薯。师傅功架非常好，烧到外脆内软，味道又甜又比其他蕃薯多一股奶香味。最后忍唔住都encore左呢份日本蕃薯！除左呢个happy hour set，我地都再额外点左是日厨师推介，价值$160既汁烧飞驒和牛肋一串。Menu都写左系日本直送食材，黎到之后都冇令我地失望，牛味好香好重，肉质又稔，齿颊留香真系冇夸张。虽然真系唔平，
一坐低咁岩见到happy hour menu觉得几抵，一杯酒再加五份串烧，可以拣3款肉2款菜，只限17:30-19:30，时间刚刚好仲有得食😂，正。
刚点完菜就送上左一杯真澄清酒，仲用左红酒杯冻上。食物方面首先拣左日本黑豚肉五花腩串，烧得好有咸香肉味，肥膏都烧得好香脆。
之后就有鸡肝，质感有啲似猪润，钟意食内脏既朋友可以一试。
而明太子鸡翼烧得外皮香脆，咬入口感觉几丰富，因为入面系填满左明太子，同鸡翼既油香融入，一只真系唔多够喉。
蔬菜再拣埋烧茄子同埋日本蕃薯，茄子食落去味道较淡，不过口感几特别，唔似川式港式烧得好稔，硬身少少。
日本蕃薯就非常出色，用料感觉唔同，问左一问主厨原来系用爱知县既蕃薯。师傅功架非常好，烧到外脆内软，味道又甜又比其他蕃薯多一股奶香味。最后忍唔住都encore左呢份日本蕃薯！
除左呢个happy hour set，我地都再额外点左是日厨师推介，价值$160既汁烧飞驒和牛肋一串。Menu都写左系日本直送食材，黎到之后都冇令我地失望，牛味好香好重，肉质又稔，齿颊留香真系冇夸张。虽然真系唔平，但好值得一试！
今次我同朋友虽然短敍一番happy hour乱撞入去试下，但其实都几有惊喜，坐位坐得舒服，又可以睇到各大厨们拎住新鲜食材即叫即烧。期间主厨周先生都有走出黎问我地意见，又推介我地试唔同野，真正倾得开心食得开心☺，希望下次再有机会食更多唔同日本直送食材试新野！
张贴
