御の味 (已結業)

今日中午个人攰攰地，天气又热，成个人都好躁，最啱就系食寿司啦😋同朋友拣咗呢间门面装修好靓既日式居酒屋，卡位阔落，灯光微暗，好适合同三五知己喺度倾计。一坐低，就留意到餐具设计有小巧思，筷子托直接用一个蚬壳，好有创意👍🏻一睇menu真系花多眼乱，一时间唔知叫咩食好，呢个时候餐厅侍应就推荐咗厨师发办套餐比我地，师傅会将当日最新鲜既海鲜整成寿司。最后我地叫咗一个厨师发办套餐，同埋一个日本地鸡定食。👍🏻厨师发办12贯寿司套餐（包乌冬、前菜、沙律、甜品）🍣一上枱已经见到每件鱼生都好鲜美，摆盘非常之靓，好吸睛！鳗鱼好大件，食落油脂溢出，好满足！玉子好有惊喜，同平时食既玉子唔同，食落有层次，蛋香重，亦唔会太甜。12款寿司既饭都落咗少许醋，食完12件都唔会好滞，加上有少少炙烧，食落有焦香味。👍🏻日本地鸡定食（包米饭、味增汤、茶碗蒸、前菜、沙律、甜品）🐔店舖用上日本直送地鸡，鸡扒煎到表面焦黄，鸡皮咬落好脆，肉质鲜嫩，唔会煎到太老。茶碗蒸出色，非常滑之余，里面仲有大大粒带子。配埋柚子醋沙律一齐食，感觉唔会太heavy。🍦食到最后已经好有满足，原来最后惊喜喺个雪糕度！而家只要赞好店舖FB同IG，就会获赠雪糕。