Made in HK Restaurant (已結業)

睇完戏出嚟行阵街就嚟咗呢度食晚饭，方便就脚。 之前呢个位嘅餐厅生意麻麻，但系转左Made in HK 就旺场好多。晚市套餐最抵食，有餐汤或沙律、主菜同埋餐饮，都系百几至二百几蚊不等。 好多嘢食都仲可以升级或加配，食豪啲啲。饮汤有餐包送，而今日餐汤系忌廉蘑菇汤，够稠身，不过味道就一般般喇。加$38可以升级龙虾汤，我觉得呢个系必加，质地唔系好杰身𠮶啲，比较轻盈，龙虾味好香浓，入面虽然冇龙虾肉，但系就会有一粒云吞，几搞笑。天气冻，最啱就系拣番个铁板餐，热辣辣，味道又香。龙虾及肉眼扒铁板晚餐$258𠮶半只龙虾系最吸睛，大大只又烧过。 肉眼扒就好大块，而且薯条特别多。是日鲜鱼餐$168今日系三文鱼，鱼肉好厚身，鱼皮亦煎得香脆，最夸张系下面嘅薯蓉，分量大到食极都食唔完。肉眼扒拼大虾伴薯菜$183两只大虾都算几大只，肉质弹牙。 不过薯条就炸到好干身，有啲硬。 肉眼扒好大块，叫咗五成熟，中间仍然颜色粉嫩。 而且仲配搭左好多蔬菜，均衡饮食。餐饮我最钟意嘅就系即磨咖啡，香浓美味，闻到都已经好香！