肥仔海南雞專門店 (開源道) (已結業)

本身想食前面个间但无开，见呀姐系咁宣传就入去食坐低先见到每个早餐都$40起，冻饮仲要加$5，真系未见过同区茶餐厅会有呢个价叫左个沙嗲牛面配肠仔蛋，多士，热奶茶，朋友叫左个咸牛肉蛋治，冻奶茶要叫左，收左钱先上菜等紧上菜先发现隔离枱有另一张餐牌写住优惠早餐，同一样，沙嗲牛面，煎蛋，多士，$35！仲要冷热饮同价！我地张枱就得正价嘅餐单，出去叫个阵，个收银又唔提架㖞，一条肠仔咁就值$5🙂到上左菜，个沙嗲牛完全无味，个汤有色架，但真系无沙嗲味，个面系鞋口个啲面质，最后真系食唔晒，其实唔大碗架，但太难食，多士肠仔蛋就正常味，最正系热奶茶，完全唔热，暖架，仲要好难饮，淡茶重奶，饮左3啖真系放弃唔热嘅程度系，隔离枱个呀叔问呀姐可唔可以俾杯热嘅水佢，呀姐同收钱都话水自助，自己倒啦，有保温壶，呀叔话：你连上个杯热饮都唔热，出面个壶真系够热？但两位呀姐都无视左佢😂而朋友个咸牛蛋治，蛋就好多，啲牛，真系粒粒咁，又细粒又少，仲要连个包都唔好食，冻奶茶都系得个奶味绝对绝对唔会有下次，同区真系大把茶餐厅，价钱同质素一定好过呢间好多