Cafe&Meal MUJI

营业中

休息中

买左无印既野咁多年，讲就讲话要去食下佢既muji cafe 但一路都冇去食。可能以前觉得贵，或者系今年少左洗费，所以出开黎又一城，下昼两三点又都咩都未食，谂到就去食。当我以为系食番佢地百几蚊几个小菜既set果阵，原来宜家连d set都暂时转哂做同外卖差唔多定一样既款。唔紧要啦，就拣个黎试下。原本其实系想试下南蛮鸡，但估唔到佢地连幅相都影到有少少唔开胃，我都有d惊讶，哈哈。所以稳稳阵阵叫个咖哩黎食就岩。除左个咖哩饭，仲加左个菠萝苦瓜沙律。苦瓜因为个dressing，入口甜到好似腌过黎咁，易入口，但食落都系苦。我就系钟意佢苦而且都几新鲜，又爽又fresh，不过就太细个啦。饭既料好足，鸡肉都有几多旧，肉质都唔错。然后蔬菜配料有常见既红萝卜同薯仔，仲有少见但食落唔觉得突兀既青瓜。咖哩偏甜带酸，食到香料同牛油味，辣就少少接近唔辣，少食辣既人都可以试下。加埋杯冻红茶埋单都唔洗一百，比想像中平。不过疫情过左之后会再黎试下佢之前果个menu。