大快活

营业中

休息中

同朋友睇完戏，黎大快活食tea医一医肚，假日非常人多，坐满全场。下午茶餐廿十几至三十几蚊，咁嘅价钱其实真系唔好有咩要求，卖相？无。味道？无。态度？无。有位你坐有野你食就唔好问咁多…自己点左热狗加炸鸡块同热奶茶（$26），朋友叫左热狗加迷你餐蛋面同红豆冰（$39），价钱上真系无敌平嘅。忘记影个近镜，朋友只热狗系无左条香肠，原因系卖晒，出去问下后就唔知系边度揾到一条摆番落去…好悬疑？餐蛋面系一个面饼落滚水，都好均真，一定碗碗有同一样嘅面条份量，哈哈。自己呢份几正常，除左啲鸡块样衰啲，干啲同未炸熟外，其实只热狗几好食，多沙律酱正㖞。热奶茶ok嘅，可以多多啲奶更好饮。没有期望就没有失望，呵呵。