火鍋英雄 (已結業)

坐低之后会有八小碟凉拌小食，可以食住等个火锅嚟，有凉拌猪耳、木耳、青瓜、莲藕等等，可以过下口瘾。重庆麻辣拼25年陈年花雕醉乌鸡锅麻辣汤好重香料味，拣咗牛油会比较肥但系更加香口。花雕锅味道好香酒味，汤底鲜甜有药材味，用乌鸡嚟打边炉都系第一次，估唔到都唔错肉质比较瘦。美国极品肥牛(小)牛肉肥瘦分明，油脂分布均匀，肉味都几香浓，口感好嫩滑唔会韧。招牌四宝丸打边炉我最钟意食手打丸，四宝有鲜虾、墨鱼、鲮鱼同鲜牛丸。虾丸同墨鱼丸就最得我欢心，鲜味得黎又爽口弹牙。韭菜水饺睇落以为个皮好厚，点知又唔会，个皮有少少烟韧，入边嘅韭菜馅好丰富多汁，多菜少肉好食。西班牙黑豚肉除咗牛肉之外，黑豚肉打边炉都唔错，食落亦唔会有猪嘅骚味，肉质鲜嫩。酥炸响铃唔知系咪店内即炸，但系食得出比平时𠮶啲来货新鲜香脆，一放汤即刻食得。