影片
更多
2023-11-18
5459 浏览
最近实在太忙，假日好想大吃大喝放松下，见好耐冇食放题，上网见到介绍极尚大喜屋有榴梿仲要几抵食，假日午市放题任食3小时每位$258，一于去叔转唔想等Book定位，提早少许去到已经见到好多人，估唔到午市都咁受欢迎。餐厅面积颇大，都几多卡位，但因为我地3人，2人位再加张枱同櫈，感觉有点挤迫。自助吧有小食、雪糕、甜品及饮品，最正系有酒饮。事不宜迟即刻落单，又系第一转落刺身先，仲有花胶、乳鸽、鲍鱼及爆鳝球等，咁中式既贵野都有。饮品有都多选择，酒有梅酒、清酒及果酒等，见有热清酒即饮，冻冻地饮都几正。虫草花杞子乌鸡汤，自助吧拎，饮下汤水。刺身，第一转必系精相精美(同点得多)，三文鱼、赤虾、甜虾、北寄贝、赤贝、马刀贝、蝾螺、带子、池鱼及油甘鱼等，刺身厚切大件，肥美新鲜。皇牌烧乳鸽，必食之选 ，脆皮肉滑又油香，估唔到几好味。花雕醉口感爽弹，但冇乜鲜味，花雕酒味都淡。极尚花胶盛宴，好彩系叫左一客，因为份量都几多，花胶好大件，但味道较淡。川烧广岛蚝，唔算好肥美，但够惹味。姜葱爆鳝球，入口香脆，鱼肉爽口鲜香又惹味，不俗。鹅肝，好大件鹅肝，但味道唔算香口，正常味道。盐烧牛舌，香口惹味。孜然烧鸡肾串，口感弹韧几惹
最近实在太忙，假日好想大吃大喝放松下，见好耐冇食放题，上网见到介绍极尚大喜屋有榴梿仲要几抵食，假日午市放题任食3小时每位$258，一于去叔转唔想等Book定位，提早少许去到已经见到好多人，估唔到午市都咁受欢迎。
餐厅面积颇大，都几多卡位，但因为我地3人，2人位再加张枱同櫈，感觉有点挤迫。
自助吧有小食、雪糕、甜品及饮品，最正系有酒饮。
事不宜迟即刻落单，又系第一转落刺身先，仲有花胶、乳鸽、鲍鱼及爆鳝球等，咁中式既贵野都有。
饮品有都多选择，酒有梅酒、清酒及果酒等，见有热清酒即饮，冻冻地饮都几正。
虫草花杞子乌鸡汤，自助吧拎，饮下汤水。
刺身，第一转必系精相精美(同点得多)，三文鱼、赤虾、甜虾、北寄贝、赤贝、马刀贝、蝾螺、带子、池鱼及油甘鱼等，刺身厚切大件，肥美新鲜。
皇牌烧乳鸽，必食之选 ，脆皮肉滑又油香，估唔到几好味。
花雕醉口感爽弹，但冇乜鲜味，花雕酒味都淡。
极尚花胶盛宴，好彩系叫左一客，因为份量都几多，花胶好大件，但味道较淡。
川烧广岛蚝，唔算好肥美，但够惹味。
姜葱爆鳝球，入口香脆，鱼肉爽口鲜香又惹味，不俗。
鹅肝，好大件鹅肝，但味道唔算香口，正常味道。
盐烧牛舌，香口惹味。
孜然烧鸡肾串，口感弹韧几惹味。
蒲烧鳗鱼，正常水准。
鲍鱼皇帝蟹皇粥，粥底鲜甜几好味。
麻辣酸菜鱼锅，竟然有酸菜鱼即试下，味道酸酸辣辣，暖身又开胃，鱼肉够爽滑呢。
脆炸猫山王，入外脆内烟韧，榴梿肉尚算多，但油腻。
脆皮炸鲜奶，内脆内嫩滑，甜甜的奶香味。
蟹粉扒豆苗，食左好多肉，系时候食下菜，豆苗脆嫩味道不俗。忟猪手及鸡翼，正常水准。
芝麻鸡翼，正常水准。
极品金枕头榴莲烧，对榴莲控来讲系必食之选，同时又系卖点之一，榴莲大件多肉，入口有微微的焦香，果肉香甜美味，根据放题定律第一转一定系比好野你既，其后⋯
几转之后开始好细粒同一pat嘢，放题惯例化境⋯
极尚榴莲椰王奶冻，都系榴莲控必食之选之一，榴莲甘甜，配上软滑的奶冻及椰子味道增添多份清甜。
都系叹杯啡。
洛神花茶。
Haagen dazs密瓜味雪糕，几好味。食物多选择，味道不俗，上菜都几快，不过当日冇左海胆手卷同泰式虎虾真可惜，下次有机再食。
张贴
