Sushi N

营业中

休息中

隔咗一排，又嚟到Sushi N, 经过之前嘅体验，今次充满期待。赤背刺身因为我哋唔食蚝，师傅用赤背代替。上面洒上柚子皮，随个人喜好，仲可以加入青柠汁，清新嘅味道配上爽脆嘅口感。间八刺身第一次食，鱼味偏淡，加入师傅调配过嘅松露汁同紫苏花，好有心思。梳子鱼寿司轻轻烧过，带出鱼油嘅香味，配上三星渍，味道更加丰富。帆立贝配北海道紫海胆寿司好吸引嘅组合，味道口感都好丰富。剑鱼腩刺身配酱油蛋黄渍第一次食酱油蛋黄渍，配上肥美嘅剑鱼腩，又系一道充满心思嘅组合。烟熏黑鯥寿司入口系好香嘅烟熏味，后劲系好重鱼味嘅黑鯥。石鲷鱼寿司肉质好实，配上柚子胡椒，味道好香口。大拖罗寿司好重油份，拖罗嚟自第三个部位，鱼肉和油分分布好合适，肥得嚟又唔会太腻。最后发觉好多样嘢都系第一次食，既深刻又有惊喜。餐厅选用嚟自日本嘅食材。今次嚟到仲发现有得借电话充电器。因为Omakase嘅用餐时间都比较长，呢个安排实在非常贴心。