莆田 (PopCorn 2)

营业中

休息中

金汤佛跳墙上枱时比想像中细碗但好足料，入面有齐鲍鱼、海参、鱼肚、瑶柱、鸡、鹌鹑蛋、菇等等。汤汁望落浓稠，但饮落完全另一回事味道好浓缩好似将所有材料精华溶合系一碗水，唔系用芡汁沟出嚟。材料食落新鲜同有味并非汤渣，一试无妨！🍲鲍鱼辣椒小炒肉唔食得辣记得小辣！先讲鲍鱼，一只鲍鱼切成薄片大概有十片，虽然好薄片但系食落好弹牙一啲都唔韧，口感一流！五花腩🥓同辣椒🌶️呢个经典小炒肉嘅配搭无得出错。厨房好贴心叫咗小辣特登将啲辣椒籽整净小小，唔会辣得太过分，卖相唔系特别靓但系都尚算足料。莆田荔枝肉莆田招牌菜荔枝肉，呢个系一个重水果味版咕噜肉食落冇乜荔枝味，但个肉炸得好味，甜甜酸酸好开胃。仲有青瓜蕃茄青椒同原粒荔枝伴碟好refresh！石锅滑豆腐咸香炸玉子豆腐好啱捞饭！上枱嘅时候仲系好热，炸豆腐加埋鸡蛋配埋咸咸香香嘅XO酱好啱𩠌饭，虾只系配角，记得要衬热食！用餐环境舒适宽敞服务周到，店员见我哋叫咗咁多嘢食即刻转咗张大啲嘅枱比我哋。有别于其他餐厅，莆田提供嘅系枸杞菊花茶饮落好清香🫖。但可惜食物太重味精，食完要饮好多水。