Isaak's

营业中

休息中

喺附近上堂之前要先医肚，今次同朋友两个人冲左入Isaak's，之前都食过，隔左几个月再嚟竟然加左价，但唔紧要，买个方便☺️叫左个S5二人set，有kimbap、辣炒年糕、半份炸鸡、小菜泡菜同腌萝卜，再跟两杯柠茶，冻饮都唔驶加钱👍🏻kimbap正常味道，不过不失，但包得够实，唔驶惊夹起会跌晒啲料👍🏻炒年糕啲汁比较稀，但啲味都痴到上年糕度，不过我唔会话系辣炒年糕，因为都无咩辣味，酱汁偏甜，年糕质感外层有啲粉，唔知系咪浸得太耐，而且上嚟时都系室温温度炸鸡见到佢系即炸，攞完都要摊一阵凉先放得入口，而且感觉到系全鸡斩件炸，啲鸡件形状好完整，外皮炸到好脆好食，不过只鸡比较少调味，啲肉会变到无咩味，但另一方面好处系食完之后都唔会觉得颈渴💦二人餐埋单$158，每人$79，价钱都okay，但食物无咩特别突出，经过又谂唔到食咩都可以一食嘅。