影片
更多
2021-12-12
89 浏览
好耐冇食放题，朋友话附近有间几抵食嘅放题，有基本嘅套餐，亦可以选择加钱食豪啲，丰俭由人。基本嘅套餐二百零蚊，包刺身、寿司、熟食、嘢饮同埋甜品。之前食放题主要都系食刺身，呢度嘅刺身都算多选择，有齐平时食到嘅刺身。寿司都几特别，有几款花之恋唔错，上面有海胆或者龙虾沙律，仲有特长海鳗寿司都唔错。热食就有好多泰国嘢，例如炸虾饼、青木瓜沙律、辣椒酱炒蚬。。。后来发现竟然仲有冬阴功汤。个人觉得泰式虾刺身几好味，集酸甜辣于一身，好开胃。我哋当然会加$138，可以食埋带子海胆同生蚝啦😊带子都几大只，包住一大旧海胆，好鲜甜。生蚝相对瘦咗少少，不过都ok嘅。以咁嘅价钱系铜锣湾都算系唔错嘅选择，不过餐厅唔大，要食就建议book定位啦。
好耐冇食放题，朋友话附近有间几抵食嘅放题，有基本嘅套餐，亦可以选择加钱食豪啲，丰俭由人。
基本嘅套餐二百零蚊，包刺身、寿司、熟食、嘢饮同埋甜品。之前食放题主要都系食刺身，呢度嘅刺身都算多选择，有齐平时食到嘅刺身。寿司都几特别，有几款花之恋唔错，上面有海胆或者龙虾沙律，仲有特长海鳗寿司都唔错。
热食就有好多泰国嘢，例如炸虾饼、青木瓜沙律、辣椒酱炒蚬。。。后来发现竟然仲有冬阴功汤。个人觉得泰式虾刺身几好味，集酸甜辣于一身，好开胃。
我哋当然会加$138，可以食埋带子海胆同生蚝啦😊带子都几大只，包住一大旧海胆，好鲜甜。生蚝相对瘦咗少少，不过都ok嘅。
以咁嘅价钱系铜锣湾都算系唔错嘅选择，不过餐厅唔大，要食就建议book定位啦。
张贴
