喫茶ちょうぼ

营业中

休息中

铜锣湾世贸中心装修之后，我都系第一次嚟。而家呢度有好多新开嘅餐厅同cafe. 上星期去咗呢间集合和风日式cafe. 餐厅布置优雅舒服。好有日式和西洋风的感觉。佢有窗边座位，系望住维港景色。今次叫咗炸软壳蟹扁意粉$98，味道不错。软壳蟹捞落意粉度食都几好味。甜品：雪人布甸与牛奶大福盛$68饮品：白桃梳打$45，佢有D cream喺面头。饮饮下D cream会捞左落梳打度，我就觉得冇咁好饮。同埋饮品比较细杯，好似俾小朋友教导饮咁。佢上餐嘅时间都正常，但系饮品我就等咗差唔多45分钟先有。真系耐咗啲😅服务方面我觉得一般。除咗一位女同事服务好好同埋做事效率好高之外，其余有两位男员工都系一般。当我叫其中一位男侍应嘅时候，佢话等一等，但系之后佢都唔记得咗。可能𠮶日系星期日，佢哋都比较忙。下次我都会想再嚟呢间试吓其他食物，因为环境的确系靓同几舒服。但系希望下次佢哋嘅服务会有改进。