日嚐

营业中

休息中

今日同男朋友去黄埔睇戏，睇戏之前先去医饱个肚先！未食早餐所以就直接去食个靓lunch~ 呢间餐厅听讲几好食，所以就嚟试下。一去到已经开始有少量人排队，不过因为我地早到所以等佢开左门就可以直入。 我叫左封门柳牛配乌冬，另加日式大根同青瓜渍物做前菜，另外家食套餐仲会包一碗海带汤。份量就一般啦，封门柳比想像中无咁好食，无乜牛味，肉质都一般，勉强过得去。乌冬尚算弹牙，不过唔算大碗。如果可以冻食就更好！男朋友叫左牛舌配冷荞麦面，南瓜佃煮及苹果紫薯蓉。冷荞麦面几好食，少弹。牛舌爽口弹牙，配烧汁好食。南瓜佃煮劲甜劲淋，苹果紫薯蓉略嫌苹果甜味过多，紫薯味唔系食到太多。整体嚟讲就不过不失啦，不过如果要排队就唔会特别再试，因为价钱都唔平。