青森料理 (已搬遷) 新店位置

其实一年前已经想写呢间，不过写到一半因为太耐冇郁所以自动删除左，咁啱今日中午谂唔到食咩，就去左青森回味下，menu仍然系一年前既精选午餐，价钱都好似差唔多，拉面同饭既定食有好多选择，一家人去食就每人叫左一个定食。滑蛋鸡扒饭，基本上滑蛋做得都算尚可，蛋冇过老变粗糙，要系适当时机落蛋汁与鸡扒同煎，火候掌握要控制得好，鸡扒冇腌过头，盖过酱汁既味道，料亦有落足，冬菇、洋葱等等，唯一要挑剔既系唔够汁，汁既份量可以话系得五分之一，只系够淋系面头而冇汁落去啲饭入面，呢样真系要改善下，冇汁将蛋同配料同饭拌匀真系差好远，但整体衍讲算系可以接受。另外跟餐有野饮，我叫左冻桃红茶，同埋有送三片三文鱼刺身同一个蟹籽沙律，桃茶甜左少少，不过跟餐算系几唔错，三文鱼几新鲜，冇雪味同怪味，厚度亦适中，Good!蟹籽沙律就普通。杂锦天妇罗饭&炸软壳蟹拉面，天妇罗炸得好参差，有啲沾粉太厚，咬落成口粉；有啲沾得唔够，上唔到脆皮，配饭黎讲真系唔推介，虽然有天妇罗汁，但主角只有两只虾，而且炸得唔好，基本上系好唔抵食既一个餐，其他跟餐配菜一样。炸软壳蟹拉面就冇试，但细佬话原只蟹好足料，炸得好香脆，配拉面一流!佢大推!吞拿鱼手卷&炸