三代目 (愉景新城)

营业中

休息中

黎到三代目食个lunch，见到餐牌有唔同既小食、前菜、一口寿司、炸物、拉面、乌冬、丼饭，见过好多人推荐佢地既拉面，所以我同朋友都各嗌左碗拉面黎试下，味道唔错，不过个人觉得偏贵，八九十蚊一碗仲要加一，系好食既但系又未去到惊艳既程度，同价位既荃湾仲有好多更好既选择。不过未食过既都可以一试，都唔会失望既😬1⃣️紫苏烧豚梅肉拉面（$98） 拉面系幼身既，都几挂汤，汤底猪骨味好浓郁，不过食落感觉都几油🙈不过呢碗拉面最特别既系加左紫苏落去，虽然味道唔突出，但系有少少中和左汤底既油腻感，令汤底饮落带少少清新感😌豚梅肉应该系即叫即烧既，肥瘦相间，食落油香味重。另外溏心蛋都好好食～   2️⃣豚肩叉烧拉面（$88） 呢款汤底饮落感觉会比较单一，汤底一样系好浓郁，配上豚肩叉烧，比较薄身同埋瘦啲。配料同上面果款基本上系一样既，都系有啲葱、笋、溏心蛋咁。  3⃣️玉米芝士条（$58）炸得几脆，芝士条面头洒上左玉米味既粉，都几特别😀