影片
更多
2024-11-05
95 浏览
呢次嚟到和牛割烹小田试Dinner Omakase，呢间餐厅一直以佢独有嘅小田和牛为卖点，整体气氛都好有日式情调，环境宁静舒适，好适合放松心情慢慢享受。首先嚟嘅系冷冻炭烧茄子，佢先烧咗再冷却，入口有炭烧嘅香气，然后系冻食，呢种做法令茄子保留住烧香味但又保持清新爽口，好特别嘅一个开场小菜。第二道系小田和牛炭烧昆布生牛肉片，牛肉片炭烧过后依然保持鲜嫩，入口即溶嘅质感，加埋昆布嘅咸香味，牛肉本身嘅香气提升咗几个层次，系一个好精彩嘅体验！到咗关东煮风炖和牛胸肉配萝卜，牛胸肉炖到入口即化，同萝卜一齐食，味道非常清淡但牛肉嘅鲜味完全释放，带出一种非常舒服嘅暖意，简单而又令人难忘。接住落嚟当然系招牌嘅小田和牛寿喜烧，牛肉仲系配上日本第一嘅Kodawari蛋，肉片轻轻浸喺寿喜烧汤里面再上蛋液，牛肉既有香浓嘅汤味，又有蛋液嘅滑嫩，两者配合得无懈可击，系我成餐饭最期待嘅菜式之一。之后嘅海胆和牛他他寿司，用嘅系和牛生肉同海胆，入口一瞬间海胆嘅鲜味同牛肉嘅细腻口感爆发出嚟，呢个租合真系绝配，令整个味蕾好满足。再嚟系炭烧小田和牛牛排配时命蔬菜，牛排烧得外焦内嫩，每一啖都有炭烧嘅香气，加上旁边啲时令蔬菜啷鲜味，令
首先嚟嘅系冷冻炭烧茄子，佢先烧咗再冷却，入口有炭烧嘅香气，然后系冻食，呢种做法令茄子保留住烧香味但又保持清新爽口，好特别嘅一个开场小菜。
第二道系小田和牛炭烧昆布生牛肉片，牛肉片炭烧过后依然保持鲜嫩，入口即溶嘅质感，加埋昆布嘅咸香味，牛肉本身嘅香气提升咗几个层次，系一个好精彩嘅体验！
到咗关东煮风炖和牛胸肉配萝卜，牛胸肉炖到入口即化，同萝卜一齐食，味道非常清淡但牛肉嘅鲜味完全释放，带出一种非常舒服嘅暖意，简单而又令人难忘。
接住落嚟当然系招牌嘅小田和牛寿喜烧，牛肉仲系配上日本第一嘅Kodawari蛋，肉片轻轻浸喺寿喜烧汤里面再上蛋液，牛肉既有香浓嘅汤味，又有蛋液嘅滑嫩，两者配合得无懈可击，系我成餐饭最期待嘅菜式之一。
之后嘅海胆和牛他他寿司，用嘅系和牛生肉同海胆，入口一瞬间海胆嘅鲜味同牛肉嘅细腻口感爆发出嚟，呢个租合真系绝配，令整个味蕾好满足。
再嚟系炭烧小田和牛牛排配时命蔬菜，牛排烧得外焦内嫩，每一啖都有炭烧嘅香气，加上旁边啲时令蔬菜啷鲜味，令牛肉更加突出，呢道菜嘅质感同味道都好丰富。
主食就系小田和牛蘑菇松露鱼子饭，每一啖饭都吸满咗松露同鱼子嘅鲜味，再配上和牛同蘑菇，浓郁得嚟唔会腻，仲有一碗简单但味道十足嘅面豉汤，为呢餐做咗一个好好嘅收尾。
最后嘅甜品系豆腐布甸配枫酱，布甸滑到唔得，枫糖浆嘅甜味适中，为呢餐Omakase画上咗一个完美句号。
整体嚟讲，呢度嘅小田和牛无论系质素定系烹调手法都做到好精致，环境舒适、服务贴心，每一道菜都有其特色，唔单止食材高质，成个用餐体验都令人觉得享受。系一个值得嚟慢慢品尝嘅Omakase餐厅。
张贴
