日嚐

营业中

休息中

呢间人气日式小店座位唔多，夜晚嚟到嘅时候需要排队，大概等咗半个钟左右。我哋叫咗两个全日套餐，拣咗肉类🥩之后可以自由配搭主食同小食两款，弹性好大可以试同唔同嘅嘢👍🏻慢煮美国封门柳配柚子胡椒盛 （$118）呢个配搭拣咗期间限定嘅栗子饭再加$8叫咗个酱油蛋，小食拣咗青苹果紫薯球同埋柚子青瓜渍，跟餐会送埋汤同埋热茶。封门柳外表睇落粉嫩但系食落好干柴，特别系边位，配搭嘅柚子胡椒酱咸味较重，呢个主食有啲失望😔青苹果紫薯球🍏除咗本身大有少少青苹果味，佢入面都会有青苹果粒，配搭几特别，口味清新，值得一试。柚子青瓜渍🥒可能腌得太耐，调味酸左少少。而酱油蛋饭🍚嘅饭质偏硬，唔够软熟，影响口感。慢煮黑毛猪配肉桂苹果蓉（$98）黑毛猪🐖做得比封门柳好食，肥瘦位都有，淋身啲唔会靭，肉桂苹果蓉配搭特别，口味清新，但系就同黑毛猪感觉唔系特别夹。呢set拣左和风茄子🍆同日式大根。茄子有同样问题都系腌得太耐，味道偏咸。而日式大根好入味无渣👍🏻主食嘅酱油蛋乌冬比饭好食，如果嚟食嘅话建议食乌冬多过饭。整体嚟讲会觉得呢间嘅食物调味偏重，无期望中咁好食。胜在价钱亲民，可以拣选唔同嘅配搭，如果行经呢头无人排队可以试下。