影片
更多
2010-06-20
72 浏览
男友生日, 上年已经食咗无敌铁板烧, 而今年我就拣咗烧肉, 当然两样都系佢至爱啦, 响众多日式烧肉店中, 拣 ”和宴” 既原因系传闻既服务好, 环境好同食物质素高 ...<服务>简直无得再好, 由订位到庆祝当日至离开, 全部我哋都好满意 - 首先讲订位吖, 我要求宁静既地方, 佢哋都安排得好好, 仲安排4人榻榻米, 坐得舒服兼影得尽情; 另外我预先ORDER既甜品 (当蛋糕), 佢哋响好恰当既时间递上, 完全唔需要俾任何提示, 无破绽, 令到男友有惊喜; 而进食期间, 佢哋加茶同收碟都相当快; 而尾声抽奖既小玩意, 虽然抽唔中目标, 但佢哋搞气氛一流, 令男友玩得好开心<环境>跟日本既烧肉店格局好相似, 好有私人空间, 所有枱都有板间隔开, 感觉就真系好似去咗日本咁, 而抽风系统绝对一流, 食完完全唔会有油烟味<食物>特选日本和牛拼盘 $450因为比较钟意食牛, 一个拼盘有5款唔同部位 (有肉眼, 牛里脊肉, 雪花牛排肉, 牛排肉, 腰脊肉), 每款大约有3块, 已经可以满足我哋欲望, 每款烧 6-7成熟已经好正, 当然口感系雪花牛排肉比
<服务>
简直无得再好, 由订位到庆祝当日至离开, 全部我哋都好满意 - 首先讲订位吖, 我要求宁静既地方, 佢哋都安排得好好, 仲安排4人榻榻米, 坐得舒服兼影得尽情; 另外我预先ORDER既甜品 (当蛋糕), 佢哋响好恰当既时间递上, 完全唔需要俾任何提示, 无破绽, 令到男友有惊喜; 而进食期间, 佢哋加茶同收碟都相当快; 而尾声抽奖既小玩意, 虽然抽唔中目标, 但佢哋搞气氛一流, 令男友玩得好开心
<环境>
跟日本既烧肉店格局好相似, 好有私人空间, 所有枱都有板间隔开, 感觉就真系好似去咗日本咁, 而抽风系统绝对一流, 食完完全唔会有油烟味
<食物>
特选日本和牛拼盘 $450
因为比较钟意食牛, 一个拼盘有5款唔同部位 (有肉眼, 牛里脊肉, 雪花牛排肉, 牛排肉, 腰脊肉), 每款大约有3块, 已经可以满足我哋欲望, 每款烧 6-7成熟已经好正, 当然口感系雪花牛排肉比较好, 有入口即溶既感觉, 每款部位都好有牛味, 同响日本当地食既和牛有得比
澳洲上等和牛厚切牛舌 $198 (6件)
平时多数食薄舌, 想试下厚切既味道同感觉, 不过有d食家觉得麻麻架, 初时我哋烧咗2块都有同感, 再烧2块后既感觉完全唔同, 因为第一次烧得比较耐, 出嚟既口感比较硬同干, 而第二次烧既时间就缩短咗好多, 出嚟既结果系意想不到既好味, 入口软身但带少少爽口, 肉身仲保留咗丰富肉汁, $3x 一块虽然贵, 但绝对值得一试
冲绳吉利猪腩肉 $88
呢个我觉得麻麻, 因为肉烧完出嚟比较干身, 虽然都切得较薄, 但始终系猪, 烧得耐d比较安全, 结果要点一d酱汁嚟弥补肉既口感
白饭 $30
Size 比鱼旦粉既碗细少少, 但绝对值得叫, 因为佢哋用既系日本珍珠米, 之前有食家讲过好好味, 但唔试过真系唔会知道点解咁好味, 斋食已经有种令人好想继续食既感觉, 再加上和牛一齐食, 简直系绝配, 可以有少少饱肚之剩, 仲可以减少食肉既油腻
菠萝Sherbet $42
唔系日日都可以食到菠萝味架… 因为觉得佢外型靓所以揾佢当做birthday cake, 味道比平时食既雪葩浓, 质感就好似系雪糕+冰既混合版, 相当好味, 而且份量都唔少, 试得过, 仲有苹果/西柚/橙味拣
整体嚟讲 : 非常满意既生日饭, 虽然价钱比较其他烧肉店高, 但我觉得物超所值
二人共消费 : $900
张贴
