拉麵達人 (已結業)

今日要去佐敦拎嘢，顺便去食啲嘢;见到餐厅好似在日本啲居酒屋就入左去!餐厅装修好有日本嘅味道;放左好多sake同不倒翁;侍应就俾左餐牌我，餐牌上有只不倒翁。结果我就点左樱花虾达人(浓虾酱油) 和一个鸡软骨饺子!我坐左一阵，我发觉餐厅播左好多日文歌;我以为自己真返左去日本。几分钟之后就上左个拉面，好快呀。樱花虾达人的拉面比出面的拉面幼身，只面系博多拉面;博多拉面在日本三大拉面之一:而汤底就用左浓虾酱油;饮落去好有虾味，唔油腻!拉面的材料有大虾﹑蟹棒﹑带子和海带;拉面食落去好爽口和好弹牙;大虾就好有海虾味，仲有阵虾膏味;樱花虾好香口，鸡蛋食落去好甜，蛋黄有少少流，蛋汁好浓!鸡软骨饺子，外表煎到金黄色但又唔太㶶;食落去好爽口，鸡软骨的爽口﹑椰菜的甜﹑好淋的肉﹑饺子皮薄;完全无得弹嚟形容。