楓林小館

营业中

休息中

呢度好近我公司，啲嘢又几好食，所以老细成日都请我哋去呢度食 lunch。今日五个人叫咗好多嘢，食唔晒要打包。我最钟意食香口嘢，叫咗虾多士同椒盐白饭鱼，虾多士系几好食的，够脆，唔会油淋淋，不过成 $40 一件，我觉得都几贵。佢啲蒸点心都好食，虾饺烧卖大大粒，皮薄饀靓，啲虾又新鲜，个黑松露带子饺用料十足，配搭得宜，超赞。炒粉面都好正，亁炒本地牛河好够镬气，啲牛肉好腍好软熟，怀旧肉丝炒面啲面脆卜卜，掂！奶黄煎堆仔圆辘辘，好饱满，流心奶黄爆晒饀，外脆内软。