影片
更多
2021-04-11
488 浏览
已经好一段日子冇喺香港食拉面，是日唔太肚饿，就去尖沙咀「面処一家」试吓。厚福街几乎所有食店都人龙不绝，呢度都唔例外，晚饭时间要等一等先可以入座。店家有点日式风格，讲嘅唔系装潢，而系好专门只有3款拉面选择，唔会好似港化咗嘅拉面店咁多花款，甚至连饺子都唔会有。首先系弟の选択（$88），拉面上有火炙猪腩肉、笋、紫菜碎、葱、洋葱，另加$10要溏心蛋。汤头混合猪骨、鱼介同酱油熬成，入口冇我唔喜欢猪骨汤的浓郁质感，酱油味唔重，反而好有鱼介香气，有几分似金色不如归，颇接近日本的味道，几有惊喜。面条系幼身版本，爽身，挂汤力几好。猪腩肉烧过后带焦香，肥瘦比例适中。平时拉面上的紫菜都系一片片，呢度系整碎咗，我觉得咁样仲好，捞匀的话几乎每啖都可以食到紫菜，洋葱粒亦增添咗口感。溏心蛋熟度刚好，蛋白滑，蛋黄有流心效果。妹の选択（$88）除咗叉烧外其他嘢相同，叉烧换成慢煮猪肩肉，虽然嫩滑，但冇火炙咁香。头先讲过有3个选择，第3个系料理长の选択（$98），有齐猪腩肉同猪肩肉，想试匀两款可以一试。
店家有点日式风格，讲嘅唔系装潢，而系好专门只有3款拉面选择，唔会好似港化咗嘅拉面店咁多花款，甚至连饺子都唔会有。
首先系弟の选択（$88），拉面上有火炙猪腩肉、笋、紫菜碎、葱、洋葱，另加$10要溏心蛋。汤头混合猪骨、鱼介同酱油熬成，入口冇我唔喜欢猪骨汤的浓郁质感，酱油味唔重，反而好有鱼介香气，有几分似金色不如归，颇接近日本的味道，几有惊喜。面条系幼身版本，爽身，挂汤力几好。猪腩肉烧过后带焦香，肥瘦比例适中。平时拉面上的紫菜都系一片片，呢度系整碎咗，我觉得咁样仲好，捞匀的话几乎每啖都可以食到紫菜，洋葱粒亦增添咗口感。溏心蛋熟度刚好，蛋白滑，蛋黄有流心效果。
妹の选択（$88）除咗叉烧外其他嘢相同，叉烧换成慢煮猪肩肉，虽然嫩滑，但冇火炙咁香。
头先讲过有3个选择，第3个系料理长の选択（$98），有齐猪腩肉同猪肩肉，想试匀两款可以一试。
张贴
