影片
更多
2022-12-15
832 浏览
杉原家茶屋 Sugiharake Chaya📍尖沙咀加拿分道33号发利大厦地下2A号舖呢日约咗喺尖沙咀做牙科覆诊，朋友陪我上去诊所之前，想买少少嘢食顶肚饿同做宵夜，所以行过呢间由日本人主理嘅茶屋，就买咗几个试下！ 💰$17味噌酱茄子 🍆🍙我对呢款茄子最有期望，因为除咗喺寿司郎有得食味噌茄子寿司之外，都比较少见到有寿司或饭团会用茄子做配料。佢嘅调味比较淡，味噌酱唔系太突出，茄子都算好味嘅，但整体口味较淡，始终系手作嘅小店，相信唔会落太多味精或调味。 💰$18三文鱼丝玉子烧 🐟🍙三文鱼丝唔算多，存在感不大，但玉子烧烧得好食够厚身，而且甜度适中，真系好有日本家庭感！有少少可惜嘅系啲饭冇想像中咁软身，咬落有少少硬，影响咗整体嘅食感。 💰$19炸大虾沙律 🍤🍙炸虾调味偏淡，炸浆亦因为包住放落雪柜所以唔系脆口，不过不失咁。我钟意佢个他他沙律酱，同个饭团好夹！同上面两款嘅问题一样，饭比较硬，而且好易散，有少少影响口感。 💰$18抹茶鲜奶 🍵抹茶鲜奶一向都系我最钟意嘅饮品，呢一枝樽仔版嘅好可爱，奶味好浓，绿茶唔会苦涩，而且佢嘅比例应该系奶多个茶，啱晒我嘅口味！虽然饭团嘅饭食落偏硬易散，但佢嘅紫菜都系脆
📍尖沙咀加拿分道33号发利大厦地下2A号舖
呢日约咗喺尖沙咀做牙科覆诊，朋友陪我上去诊所之前，想买少少嘢食顶肚饿同做宵夜，所以行过呢间由日本人主理嘅茶屋，就买咗几个试下！
[价钱 Price]
💰$17
味噌酱茄子 🍆🍙
我对呢款茄子最有期望，因为除咗喺寿司郎有得食味噌茄子寿司之外，都比较少见到有寿司或饭团会用茄子做配料。佢嘅调味比较淡，味噌酱唔系太突出，茄子都算好味嘅，但整体口味较淡，始终系手作嘅小店，相信唔会落太多味精或调味。
[价钱 Price]
💰$18
三文鱼丝玉子烧 🐟🍙
三文鱼丝唔算多，存在感不大，但玉子烧烧得好食够厚身，而且甜度适中，真系好有日本家庭感！有少少可惜嘅系啲饭冇想像中咁软身，咬落有少少硬，影响咗整体嘅食感。
[价钱 Price]
💰$19
炸大虾沙律 🍤🍙
炸虾调味偏淡，炸浆亦因为包住放落雪柜所以唔系脆口，不过不失咁。我钟意佢个他他沙律酱，同个饭团好夹！同上面两款嘅问题一样，饭比较硬，而且好易散，有少少影响口感。
[价钱 Price]
💰$18
抹茶鲜奶 🍵
抹茶鲜奶一向都系我最钟意嘅饮品，呢一枝樽仔版嘅好可爱，奶味好浓，绿茶唔会苦涩，而且佢嘅比例应该系奶多个茶，啱晒我嘅口味！
虽然饭团嘅饭食落偏硬易散，但佢嘅紫菜都系脆嘅，唔会淋晒，而且考虑到佢喺尖沙咀地段，仍然卖紧$20楼下一样嘢食同嘢饮，算系唔话得㗎啦！店舖系有日本人经营，识日文嘅，大家可以去同店主店员倾吓计，佢哋都好Nice嘅，唔识嘅都可以用广东话去倾偈㗎！三个饭团一枝嘢饮，加埋都系$72 ，已经可以食得饱饱，食得健康，杉原家真系不失一个好选择！
张贴
