京笹居酒屋

营业中

休息中

日本人主理嘅居酒屋，门口嘅叔叔、落单上菜嘅姨姨都系日本人，广东话有少少日本口音。大概系即叫即做，所以上菜速度偏慢。装修、氛围感都非常道地，感觉真系好似日本嘅居酒屋，满席嘅时候好应声。*前菜 $23炸鱿鱼之类？硬脆硬脆，几特别。自家制梅酒 $58梅酒酸甜酸甜，醉咗都唔知啊！*乌龙茶烧酒 $58茶味好苦，只有后劲有少少酒味。薯仔沙律 $48粒粒薯仔+真•薯蓉，薯仔味重又有口感。薄片青瓜红萝卜有脆度又易咬，不过调味略淡。鸡肉葱串 $50鸡腿肉好软嫩，好多肉汁，京葱焦香。调味轻手，主要靠表面嘅甜酱汁。免治鸡棒 $55鸡肉肉碎+软骨，咬落卜卜脆，酱汁甜甜，鸡肉本身调味比较轻手，好正！明太子捞乌冬 $88乌冬粗身好烟韧，明太子酱好浓好挂汁，咸咸香香，大推！三文鱼软壳蟹卷 $90入面嘅软壳蟹好脆好香，有饭香又唔干硬，再铺三文鱼，非常好食但白饭实在太厚了。银鳕鱼西京烧 $120烧到热辣辣出晒烟，银鳕鱼油份好重，西京渍带味噌甜味，能够带出鱼香油香。