勝手 (已結業)

午餐时间同朋友探秘,揾到呢间隐世既日本餐厅。佢既午市定食抵食,如果我返工附近都有呢间野就好啦!个沙律有橙,好开胃清新,个汤有蕃茄,豆腐,金姑仔,好味又够营养。我叫左个和牛,饭有饭素,令你好想食饭,和牛既汁配饭一流。鳗鱼可选原条或半条,我当然要原条啦,仲叫左多汁添呀,呢条鳗鱼好肥美,冇骨,加埋鳗鱼汁又系一绝。甜品系日本既黄豆粉蕨饼,味道认真唔错!好清新,系解腻之选!呢间野既摆设又系以清酒为主,好有日本既感觉呀!整体环境宁静,大家都专心食饭,播左D英文歌,好舒服。我个位仲望到少少海景添!侍应都会主动加茶,又会问下你食物得唔得,D肉会唔会太熟咁,同客人有交流。我见附近有人食HOTPOT,下次黎食HOTPOT先!