富士之幸日本料理 (已結業)

环境好似日本小餐厅，侍应姐姐系日本人，好努力用广东话同我地沟通，好可爱。免费嘅前菜系梅子味秋葵，清新爽脆。薯仔牛肉煮 $68用甜汤煮薯仔，仲有其他蔬菜，我觉得太甜。牛肉好薄，有点干同鞋。而且份量少。鳗鱼日本产鸡蛋卷 $98软棉棉鸡蛋卷有蛋汁，再加上鳗鱼汁，好味。只可惜鳗鱼好细粒，仲有好多骨。黏物沙律 $88沙律竟然系最后先到。因为想试特别野，所以叫哩个黏物沙律。有椰菜丝、生菜、紫菜，面头有柚子汁，有呑拿鱼腩碎，再下面就系纳豆碎一堆黏黏野，男友接受唔到纳豆，我要成碟食哂。鲷酒盗芝士 $68入口即溶嘅Cream cheese 切成条状，旁边系鲷酒盗，即鲷鱼内脏，味道咸咸地类似明太子，一咸一淡，味道丰富。绿茶红豆饼 免费甜品，拿回家慢慢食。烟韧糯米皮，红豆溶甜度适中。食物几地道，价格偏贵，下次要试下呑拿鱼腩饭。