味十味 (已結業)

之前去过一间系由日本人主理嘅餐厅，差不多全部职员都系日本人，好在其中一位英文好好，落单都冇难度野菜5串 ($97)之前食得太饱，所以叫5款蔬菜串烧试吓，有冬菇、银杏、车厘茄、秋葵及肥菇，全部都非常新鲜，烧得唔会过火，尤其是啲菇，咬落仲非常多汁牛舌串烧 ($29)非常薄切，不过有啲失望，因为韧竹蒸笼蒸日本豚肉切片 ($146)墙上写住呢度专卖日本豚肉，于是我哋又叫一个蒸嘅清清哋试吓。个蒸笼好大，下面有黄芽白，上面𠮶层有好多一片片嘅豚肉片，仲有四件本菇豚肉卷，豚肉油脂分布平均，食落好柔软唔韧，由于系蒸嘅关系，啲肉汁蒸晒出嚟，渗落下面啲菜，食落更加香甜。钟意浓味嘅可以点埋柚子酱或芝麻酱，不过我自己就钟意柚子酱多啲，食落好似口感清爽啲海鲜釜饭 ($132)要煮30分钟嘅日式煲仔饭！入面有蟹肉、三文鱼、带子及魔芋碎，口感一流，鲜味十足，不过份量少咗啲，只得两碗饭。我今晚唔算好肚饿，否则以我平时嘅大饭桶食量，一人一个釜饭先得！呢度座位唔多，但好骨子。差不多全部客人都系日本人，饮住柚子梅酒Soda及乳酸饮料Soda，食吓枝豆，感觉真系有啲似喺日本嘅居酒屋咁！