焱丸水產

营业中

休息中

去尖沙咀揾食，各国美食种类繁多，最爱还是日本菜，今次系第二次来焱丸。呢度颇有当地气氛，无得去旅行，来个望梅止渴，享受吓美食都好。麻酱蕃茄豆腐沙律，材料新鲜仲有粟米片，口感丰富，捞埋香滑麻酱，好食又开胃。刺身5盛：海胆、油甘鱼、三文鱼、吞拿鱼、带子海胆肥美甘腴，入口即化，正！带子够新鲜，肉质爽甜。油甘鱼爽滑油润吞拿鱼鱼味浓郁三文鱼软滑肥美。炸藕片脆卜卜，口感似薯片，摸住酒杯底最啱。焱丸号寿司色彩鲜艳，材料丰富又新鲜。有海胆、三文鱼籽、带子粒、 拖罗他他、蟹棒、 蛋丝同2件军舰， 全部好好味。黑松露蟹肉甲罗烧，店员会帮手矶烧，客人只需要吃。食落软滑可口，带住黑松露香。什菜天妇罗天妇罗粉酱脆薄，有虾、鱼、茄子、冬菇、南瓜、蕃薯、小青椒...等，最钟意小青椒同南瓜。炒饭饭粒分明，面头放咗蟹籽， 里面有海鲜粒。饮返杯冰菠萝烧酎， 大大枝冰菠萝，有得食又有得饮，好味。