甘味處鎌倉

营业中

休息中

最近去沙田揾朋友见到新城市竟然都开左【甘味处镰仓】，因为朋友未食过、而我之前去日本食过觉得好特别又几好食，所以今次就同埋佢一齐去试下啦。宇治金时刨冰：刨冰系用信州深层天然水整成，口感顺滑无咩太大既冰粒感，加左宇治抹茶蜜、红豆同白玉，味道唔会太甜、完全唔会有负担，红豆非常软糯。天空焙茶蕨饼饮品：使用左著名静冈县生长既焙茶茶叶、味道浓厚回甘、但又唔会苦涩。下面加左黑糖蕨饼、同佢地既原味蕨饼唔同、甜甜地，同焙茶牛奶更加match。草莓乳酪蕨饼饮品：之前系日本仲未有呢款（只有草莓牛奶），所以今次试下乳酪版本、味道唔会太甜，有乳酪既酸甜味、而且非常浓郁。上面再加上一层鲜奶油，质感好滑好香。底部嘅草莓果肉酸酸甜甜、而蕨饼软糯，令味道同口感更加丰富。镰仓蕨饼（10个）：佢地signature既蕨饼一定系必叫，每日新鲜当场整。有分5/10个装。佢地既蕨饼同平时出面食既好唔同，非常软软糯糯、黄豆粉非常香。绝对要试下。