魚がし日本一 (AIRSIDE)

营业中

休息中

Airside开左一段时间都无时间黎，今次终于可以黎到打卡啦。行过一圈发现都有好多特色餐厅，经过见到呢间日式寿司刺身丼饭店，见到好吸引就去试下。原来系日本超有名嘅过江龙店！火炙寿司盛合带子 l 深海池鱼 l 左口鱼边 l 吞拿鱼火炙寿司盛合好丰富，每件寿司嘅炙烧刺身都好厚身又肥美。寿司饭饱满一粒粒又充满嚼劲唔会煮得过软烂。寿司醋饭用左赤醋去制作，搭配刺身后令鲜味更突出。带子好厚身，味道好甘甜鲜味。深海池鱼油脂契丰腴，鱼肉结实弹牙。左口鱼边经炙烧后鱼脂味超香又浓。吞拿鱼同样充满鱼油甘香，吞拿鱼无筋香软。食完寿司盛合后仲会送上一碗茶渍饭，清渍饭上加上鲷鱼，入口好暖胃又惹味。最后甜品系开心果雪糕，开心果味好浓。