希鳥

营业中

休息中

生日月，紧系要食餐好嘅，所以拣咗比较特别嘅Omakase，食豪佢！唔系食寿司Omakase，而系食鸡嘅Omakase。餐厅用嚟自日本鹿儿岛嘅黑萨摩鸡，系无激素嘅走地鸡，听职员讲解，仲可以生食添😳！晚市分14、17道menu～我哋拣咗17道menu。季节の前菜盛有烟薰鸡胸、鸡肝多士、渍物茄子、明太子甜虾；当中鸡胸好有惊喜，非常嫩滑而汤品有自家制嘅鸡肉团子配清汤，汤头好清甜。之后就系烧物类：有鸡肩肉、鸡柳配三文鱼子、鸡肾；鸡柳配上三文鱼子，用手卷形式去品尝，好有新鲜感！是日稀少部位系鸡肾，真系烧得啱啱好，全完系爽脆。食咗咁多肉，系时候食吓蔬菜～箸休：用上日本蕃茄、芦笋配埋味噌。食到中段，有蜜桃冰沙清清口腔 。之后嘅烧物仲有：鸡胸肉、鸡肉串、鸡尾巴、烧鸡翼等等。当中嘅鸡肉串配上酱汁同蛋黄，好有寿喜烧feel！而特别部位-鸡尾巴，用番头先嘅酱汁去配衬，油脂感满满 。食事（主食）拣咗金，睇落4件好似好小，但食晒后，饱晒肚，好满足！甜品方面，是日有海盐雪糕配日本蜜瓜，咸咸甜甜，nice！总结，口感味道都好正，完全系对得住个价钱，可以值得有下次😋😋