麦玉子 (已結業)

今日去北角一田行街，去超级市场行到攰攰哋 ，见到卖日本和牛冻肉对面有一间叫玉子烧的小店， 好怀念去日本旅行的日子，心思思就坐低食啦。我嗌咗 一个鳗鱼饭 ， 啲日本米烟烟韧韧好饱满，鳗鱼都好有鲜味，一啲腥味都冇，饭有啲洋薏米，又几特别㖞，鳗鱼下面有好多玉子鸡蛋丝，饭上面有啲姜， 好有日本feel呀。我朋友叫咗最经典嘅日本咖哩吉列猪扒饭， 猪扒入口松化， 好大块 ，咖哩是日式，唔太辣，好似喺日本食𠮶啲一样 ，饭附有玉子2件。另外我们也叫了炸饺子，脆卜卜， 味道唔错呀，有五只咁多。 我哋又叫咗两件炸鸡，啲鸡肉好嫩，唔会太咸，总体嚟讲  性价比都算高。如果你好想食日本嘢， 都可以试下㖞。