影片
更多
2022-08-08
107 浏览
今日去咗铜锣湾行街，最钟意就系去铜锣湾，交通方便，又多嘢行，最重要就系多美食。经常同朋友去完SOGO都会去呢间日式餐厅食啲嘢，因为性价比高而且食物质素都好好，所以喺度推介一下。筑地日本料理(金百利广场），地址喺金百利广场7楼R1室。餐厅虽然唔算好大，但系座位嘅空间都好足够，而且都几整洁，感觉舒适。蟹肉香芒蟹籽沙律 60 元，蟹肉加上蟹籽味道好鲜甜，配搭上芒果多咗一份香味，完全将蟹嘅鲜味提升左。沙律亦都做得好清新，食完仲开胃咗。蒲烧鳗鱼饭 85 元，鳗鱼size都好大片，烧香左嘅鳗鱼加埋啲鳗鱼汁真系绝配，鳗鱼肉质鲜甜而且仲保留到鱼嘅香味，加上芝麻令到味道更加丰富。最欣赏就系佢加葱花，味道配搭得啱啱好。烧广岛蚝 55 元，广岛蚝卖相好吸引，而且size都算大只，可能加咗洋葱烧出嚟嘅𧐢味道特别香，一啖咬落去食到好新鲜嘅蚝味，肉质亦都好爽甜。三文鱼腩刺身 68元，三文鱼腩色泽非常吸引，而且仲系好新鲜，每一片都切到好厚，三文鱼腩脂肪比较均匀，味道特别香，而且仲系好爽口。酱烧牛仔骨 88元，牛仔骨腌得好入味，而且牛肉味香，最正就系烧到啱啱好，带一点焦香。
筑地日本料理(金百利广场），地址喺金百利广场7楼R1室。
餐厅虽然唔算好大，但系座位嘅空间都好足够，而且都几整洁，感觉舒适。
蟹肉香芒蟹籽沙律 60 元，蟹肉加上蟹籽味道好鲜甜，配搭上芒果多咗一份香味，完全将蟹嘅鲜味提升左。沙律亦都做得好清新，食完仲开胃咗。
蒲烧鳗鱼饭 85 元，鳗鱼size都好大片，烧香左嘅鳗鱼加埋啲鳗鱼汁真系绝配，鳗鱼肉质鲜甜而且仲保留到鱼嘅香味，加上芝麻令到味道更加丰富。最欣赏就系佢加葱花，味道配搭得啱啱好。
烧广岛蚝 55 元，广岛蚝卖相好吸引，而且size都算大只，可能加咗洋葱烧出嚟嘅𧐢味道特别香，一啖咬落去食到好新鲜嘅蚝味，肉质亦都好爽甜。
三文鱼腩刺身 68元，三文鱼腩色泽非常吸引，而且仲系好新鲜，每一片都切到好厚，三文鱼腩脂肪比较均匀，味道特别香，而且仲系好爽口。
酱烧牛仔骨 88元，牛仔骨腌得好入味，而且牛肉味香，最正就系烧到啱啱好，带一点焦香。
张贴
