Le Bec Fin

营业中

休息中

呢间位于北角小有嘅日法fusion，tasting menu 嘅菜式都有另于一般嘅fine dinning，比较多元化啲！炸粟米外脆内甜，crab with jelly 我想日本毛蟹海胆再加埋蟹膏，加埋高汤啫喱就更特出鲜味。Beef tartare 用上日本和牛黎做，肉味浓而肉嫩，加埋个甜甜地嘅汁，呢个都几好食。Tuna Cutlet呢个都几惊喜，用上吞拿鱼大腩，炸得岩岩好，外脆但入口即溶，几正。洋葱汤嘅洋葱炒到劲甜，所以成个汤都好甜，加埋海量芝士一齐焗，都几出色。chargrilled fish 炭烧喜之次，鱼皮烧到劲香但鱼肉keep到好滑，加埋用左高汤煮嘅萝白，连我呢个唔太钟意食熟鱼嘅人都觉得几唔错！steak sandwiches 用上日本近江A5牛柳，肉嫩唔肥，加埋香脆嘅面包，简简单单都已经好味。chicken ramen真系势都估唔到有鸡白汤拉面食😂汤头都几浓，食到咁男仔都唔怕唔饱了！Dessert有自家制芒果糯米糍同咖啡奶冻，咖啡奶冻嘅咖啡未比想像中浓同滑，亦都有重重嘅奶香，惊喜。芒果糯米糍就好烟靭，有少少豆蓉喺中间，劲似日本𠮶啲和菓子！